Viltu í alvörunni deyja?

Þú ert ekki fyrsta manneskjan sem íhugar sjálfsvíg.

Öllum dettur það í hug á einhverjum tímapunkti í lífi sínu.

Þessi hugsun getur spannað allt frá ,,hver er eiginlega tilgangurinn með þessu?" til að ,,ég vil ekki vera hér lengur." Þú mátt til með að gera þér grein fyrir því að innst inni viltu ekki deyja, heldur einungis binda enda á sálarangistina og sársaukann.

Þú verður einnig að átta þig á því, að þessi sálarkvöl og þessar neikvæðu tilfinningar eru aðeins tímabundnar. Oftast koma þær og fara, en stundum leyfum við þeim að malla áfram.

Þetta getur ruglað okkur mannfólkið í ríminu og nánasta fjölskylda okkar og vinir skilja engan veginn af hverju við skiptum svona oft skapi.

Þetta er í rauninni ósköp einfalt, skap okkar sveiflast einfaldlega – sem eru góðar fréttir - því það þýðir að við getum bægt sjálfsvígshugsunum frá okkur.

Stuðningssamtök, fjölskylda þín eða vinir þínir geta hjálpað þér að sveigja framhjá sjálfsvígshugsunum og beina þeim inn á lífsbrautina á ný.


Með því að einbeita þér að þremur þáttum í lífi þínu, viljum við hjálpa þér við að komast yfir þessar erfiðu hugsanir:

Líkamleg líðan – Borðar þú hollan mat ? Sefur þú vel? Hreyfir þú þig nægilega?

Tilfinningaleg líðan – Ertu í sambúð eða hefur slitnað upp úr sambandi þínu nýlega? Áttu stuðning fjölskyldu þinnar og vina vísan? Kannast fólk við þig eða ertu á einhvern hátt virkur í samfélaginu?

Andleg líðan – Vinnur þú úti eða ertu atvinnulaus?

Ertu í starfi sem þú hvorki þolir eða veitir þér fullnægju?

Sérðu tilgang með deginum í dag? Færðu næga uppörvun eða ertu stressaður? Gefur þú eitthvað til baka til samfélagsins?


Þegar ofangreindum þörfum er ekki fullnægt, öllum eða jafnvel bara einni, er algengt að sjálfsvígshugsanir spretti fram.

Er þessum þörfum þínum fullnægt? Hljómar eitthvað af þessu kunnuglega?

Það er mikilvægt að minnast þess að þú hefur áður sigrast á erfiðleikum í lífi þínu – þú lifðir þá af - og þú getur svo sannarlega gert það aftur.


Hjálp er fyrir hendi. Þú átt hana skilið. Þú skiptir máli.

Hringdu í 1717


Hjálparsími Rauða Krossins er opinn allan sólarhringinn !